Asturies s'oscurez
El día 12 d'agostu Asturies va quedar a oscures pol eclipse total de sol… esto sería noticia si n'Asturies viéramos dalgo de lluz más allá del túnel del día a día…
¡Última hora!
AGOSTU 2026
Un conceyal d'Uviéu lleva 3 díes ensin respirar enfadáu
Porque una cantante dixo na prensa que les fiestes de San Mateu nos últimos años nun valen un res.
I+D en Teberga
Nel conceyu tebergano tan investigando cómo meyorar el trabayu d'investigación. Pa que los científicos sean más rápidos tan metiendo osos nos sos despachos pa que faigan el trabayu na mitá del tiempu. Los resultaos tan siendo espectaculares.
Xiringüelu Pravia
El conceyu Pravia pon a la Guardia Civil na entrada del prau del Xiringüelu col alcoholímetru. Va multase a la xente que dé menos de 0,70 d'alcohol soplando y non güela a sidra como'l suelu nos chigres.