Prensa

Sala de prensa

Too lo que fai falta pa escribir sobre La Vieya Asturies: quién somos, la nuestra llinia editorial, datos verificables pa citar y un kit de medios descargable.

Quién somos

Xiringase ye la editorial web que hai detrás de La Vieya Asturies — pa ellos l'asturianu, la cultura asturiana y la so tradición nun son un adornu, son la base de tou lo que faen. La Vieya Asturies ye la so voz satírica: un fanzine cómicu, punk, escritu n'asturianu de la cai. Nun tenemos redacción, nin xefe, nin anunciantes — tenemos una vieya que too lo ve, que pega p'arriba y nunca p'abaxo, y que diz en voz alta lo que la mayoría piensa per lo baxo.

Asturies tien una tradición fonda de humor gráficu popular — d'Alfonso, con Pinín, Pinón, Telva, hasta'l costumbrismu de la familia Castañón d'Igor — que retrata l'Asturies de la cai dende siempre. La Vieya Asturies entama un camín nuevu al pie d'esa tradición: coyer esi mesmu costumbrismu y espetalo escontra la sátira, el terrén que n'España yá esploren cabeceres como El Jueves, El Mundo Today o la revista Mongolia. Ye Xiringase, dende la voz de La Vieya Asturies, sacando-y punta a la realidá asturiana col humor y la sátira como fíu conductor. ¡Gochonos!

La Vieya★

Llinia editorial

Pegamos a instituciones, especulación y burocracia — nunca a quien ya lo tien mal. Cada chiste lleva un fechu real asturianu dientro: subides de precios, pisos turísticos, trenes que nun llegan, promeses ellectorales que quédense nas fueyas de papel. Nun inventamos mala ostia, esta ya bien dafecho — la sátira parte siempre de daqué que pasó de verdá, verificable, non d'un rumor. Esa ye la regla que nun se rompe.

Por qué somos noticia agora

Somos un mediu nuevu n'asturianu, con un enfoque de sátira que nun abunda nel panorama editorial asturianu — nun hai otru fanzine satíricu mensual escritu namás n'asturianu circulando agora mesmo. El modelu ye tan simple como raru: los fanzines son siempre de baldre, ensin publicidá nin muru de pagu. Sostiénse con una tienduca online propia de pidíos a demanda — solo se fai lo que se pide — y con donaciones de quien quiera echar una mano. Nun hai anunciantes detrás decidiendo qué se cuenta, nin algoritmu decidiendo quién lo llega. El fanzine siempre va ser de baldre; aporta quien quiera.

Na folixa de San Mateo tamos repartiendo de baldre'l fanzine especial de les fiestes ente la xente, xunto a una pegadiella de La Vieya pa que quien quiera la pegue onde-y pete — respetando siempre la llei, que La Vieya nun ta pa pagar multes a naide.

Datos pa citar

Llanzamientu: 10 de xunetu de 2026, col Númberu 1.
Tres númberos mensuales publicaos hasta agora: Númberu 1 (10/07/2026), Númberu 2 (10/08/2026) y Númberu 3 (10/09/2026).
Un especial fuera del ciclu mensual yá publicáu: l'Especial San Mateo (Uviéu), 21/09/2026.
Ocho cartes respondíes nel Consultoriu La Vieya.
Doce piezes d'última hora satírica publicaes.
Tol conteníu ye n'asturianu, ensin traducción — nun hai versión en castellán.