Patronos que nun recibiríen el so premiu

La Vieya fai la cuenta que la Fundación nun fai. Una empresa del Patronato tien confirmada pol Tribunal Supremu una sanción d'un millón d'euros más 573.048,03 € d'indemnización por vertíos d'agües residuales d'una factoría n'Asturies (STS 148/2019, de 7 de febrero, recursu 728/2017). Opinión de la Vieya: si a los patronos y a les empreses del Patronato se-yos aplicara'l criteriu de los premios, que se destinen a galardonar «la labor científica, técnica, cultural, social y humana» (BOE), dalgunos nun lu pasaríen. Detrás de la Fundación hai 40 patronos y un Patronato de 110 miembros (patronos · Patronato). Y, amás, la princesa de los Premios fala en catalán en Girona y, nel Campoamor, el so discursu de 2025 ye íntegru en castellanu, ensin una pallabra n'asturianu. En Girona entama — «President, alcalde, consellers, autoritats, amics i amigues que avui heu volgut compartir aquesta trobada» — y tamién lu zarra en catalán (Vanitatis). N'Asturies el discursu va dende «Majestades, autoridades, patronos, señoras y señores. Saludo en especial a los premiados de este año» hasta «Muchas gracias» (Fundación Princesa d'Asturies).